SA LEH THLAI MAN BITHLIAH CHUNGCHANGA AIZAWL DC THUPEK

No.641/2021-2022

Written by: Lalnunmawii, MIS, IPRO Dated: 22^nd May 21 8:05 PM

Aizawl the 22^nd May, 2021 : COVID19 a hluar zel lohna turin Mizoram Sawrkar chuan lockdown a puang a.  Lockdown puan chhung atan hian Mizoram Sawrkar chuan Aizawl DC chu “Committee for Fixation of price of meat, vegetables and fruits within Aizawl Municipal Council (AMC)” Chairman atan a ruat a. He inkhuahkhirhna kalpui a nih mek lai hian sa leh chawhmeh man to uchuak taka zuar an awm thin tih hriat a nih avangin Committee chuan sa leh thlai man bithliah tulin a hria a. Disaster Management Act, 2005, Section 33 & 34 in thuneihna a pek angin 21.05.2021 khan Aizawl DC chuan hetiang hian thupek a tichhuak:-

1. Aizawl Municipal Corporation huamchhunga Local Council ten an area theuhah wholesale leh retail-a thlai leh sa zuar thin ten sawrkarin a bithliah (a hnuaia tarlan) aia toa an zawrh loh nan hma an la tur a ni.

2. He thupek hi zawm a nih ngei theih nan Local Council ten hma an la tur a ni a, a bawhchhiate hrem theihna an kutah dah a ni. Thupek bawhchhiate chu a vawikhatnaah an zilhhau (warning) tur a ni a. An tisual nawn leh a nih chuan inzawrh khap thlengin an hrem thei ang.

3. COVID-19 inkhuahkhirhna kalpui chhungin he thupek kengkawh tur hian Local Council te chuan Local Level Task Force on COVID19 te tha an chhawr tangkai thei ang.

4. Commerce & Industries department kaihhruaina hnuaiah Agriculture, AH&Vety, Horticulture, Fisheries, FCS&CA leh AMC hnuaia official-ten endik (monitor leh supervise) hna an thawk ang. 

He thupek hi chhuah a nih atanga thu leh awm hma chu hman tur a ni. A hnuaia Sa leh Thlai man bithliahte hi Maximum Retail Price (MRP) an ni a, he a man bithliah aia sang hian tumahin zawrh phal a ni lo.  

SN	ITEMS	RATE/KG
	A. Thlai
1	Antam
	a) Feren	70
	b)Tampui	50
	c)Tamkawr	50
	d)Kauphek	70
2	Behlawi Hnah	70
3	Bawkbawn	60
4	Bean	120
5	Berul	100
6	Bawrhsaibe	70
7	Behlawi rah	100
8	Bell Pepper& Capsicum	200
9	Changkha	80
10	Carrot	150
11	Hmarchapui ria	100
12	Hmarchapui thau	150
13	Hmarcha te	300
14	Iskut	40
15	Knolkhol	60
16	Mai (Tai)	50
17	Maite	60
18	Maipawl	50
19	Maitamtawk	90
20	Mushroom(Pa Khawi)	300
21	Phuihnam	80
22	Parbawr	100
23	Purun zung	150
24	Radish	60
25	Sawhthing	80
26	Samtawk	60
27	Saptheihnah	110
28	Thingthupui	80
29	Tomato (Green House)	150
30	Tomato (open)	80
31	Zikhlum	40
32	Zawngtahmu	500
33	Chingit	80
34	Khanghu	150
	B- SA
1	Nghate/Kaikuang etc.	180
2	Yearling/Small Fish upto 150gram	250
3	Common Carp (Japan Sangha)	350
4	Other culture Fish 150gm-2Kg	300
5	Big size fish/ cut piece without head &Viscera	400
6	Crab (Chakai)	400
7	Snail (Chengkawl)	150
8	Phai Sangha (upto 2kg) a pum	280
9	Vawksa (Pork)	400
10	Vawksa rep(Smoked Pork)	400 per 750gm
11	Arsa (Chicken Boiler)	180 (puah loh) 300 (puah sa)
12	Bawngsa (Beef)	A ti/a ir=600 A thin =700 Aruhsahpawlh = 500 A kawchhung  = 500 A chek =150per 250gm
13	Kelsa (Chevon)	600