KUMPUAN SUB COMMITTEE IN ZIRLAI TANPUI DAWN
Hri leng avanga Total Lockdown anih avangin kan veng zirlai - UG & PG exam hmachhawn tur ten harsatna an tawk thei a. University Exam tur, Kanan Branch YMA member zingah study material print/photo copy mamawh an awm chuan Kumpuan Committee, Kanan Branch YMA chuan a tanpui/buaipui zel dawn ani.
Kanan Branch YMA, Kumpuan Sub-Committee
Dt. 25.05.2021
UG & PG ZIRLAI EXAM HMACHHAWN TURTE HNENA HRIATTIRNA
Hri leng avanga Total Lockdown rei tak kalpui a nih avangin kan veng zirlai - UG & PG exam hmachhawn tur ten harsatna an tawk thei a. University Exam tur, Kanan Branch YMA member zingah study material print/photo copy mamawh, dawr hawn mumal theih a nih loh avanga harsatna tawk zirlaite Kumpuan Sub Committee hnenah a in report theih a, inthlahrung lovin a hnuaia number-ah hian inhriattir ni se a țha ang e.
Mahni hming leh address thawn tel nghal tur a ni a , a remchan dan ang angin Kumpuan Sub-Committee ten kan lo pui ang che u A THLAWNIN.
Zirlai zawng zawngte in exam hmachhawn turah Kanan Branch YMA Kumpuan Sub-Committee chuan duhsakna kan hlan a che u.
In report na tur whatsapp number: 9862220289
Sd/-
Secretary
Kumpuan Sub Committee
Admission for B.Ed and M.Ed opened at IASE for 2021-2023.Forms can be downloaded at www.iasemz.edu.in
-Principal IASE
( I chhiar duh chuan click rawh le)
ZIRLAI LEH ZIRTIRTUTE TAN FREE INTERNET CONNECTION
Aizawl huam chhunga Internet tha lo avanga Online Class-a buaina neite chhawkna a nih beiseiin, Project Academia offer siam a ni a, ZONET Fiber To The Home (FTTH) pawh dawna connection fee chawi ngai thin kha zirtirtu leh zirlaite tan a thlawnin kan tihsak dawn e. Faculty/Student ID hmangin June thla chhung booking a tih theih a ni.
Phone number tarlanah hian Call/WhatsApp hmangin zing dar 10:00 atanga tlai dar 5:00 (Monday - Saturday) chhungin booking a tih theih ang.
Ph: 8794713667
(Hrileng avanga inkharkhip boruakah nu leh pa ten fate kaihhruai kawngah he thuziak hi chhiar atan a duhawm hle mai. - Kumpuan Sub Committee, KYMA))
HOBBY THA NEIH
- F. Vanlalrochana
Covid Generation, ti tawh mai ang, hi an vanduai hlein ka hria a. Thil an chan hnem lutuk hi...Naupang thanglai leh tleirawl rual, zirna in an kharhnan te hian engang chiahin nge an tuar ang tih ka hrethiam chiah lo a. Hun a kal chho anga, a nghawng chu a lang chho dawn chauhin a rinawm.
A tam zawk hian Mobile phone games emaw, Computer games emaw hi an khel tlut tlut ni deuh ber mai hian ka hria a. Khawvel hun inherin Hobby a pekah chuan a tha lo ber mai awm mange te ka ti deuh!
Nun hi awmzia awm hmanga tur chuan hobby tha neih angai a. Infiam a rem rih lo a, kohhran leh khawtlang thilah tel a rem rih si lo. Lehkha chhiar, ziah, rimawi tum, lemziah emaw tal hi inah a tih theih a. An nu leh pa leh an ute zawk hian kan tihpui thei angem? Heng thilah hian an lo tui reng thei a. Tihpui, bul tanpui an ngai ve thin a ni.
Tumahin, pian hlim phatah lehkha chhiar ka tui dawn e, rimawi lam ka tui dawn e, lemziak lam ka tui dawn e, an ti ngai lo. An chheh vel boruak leh an thiltawnin a ken ang zelin an tuina leh thiamna an hre chhuakin an kal zuipui thin. Kohhran hian tuina a hai chhuak nasa em em a. Naupang inkhawm leh thalai inkhawm atangtein naupang leh thalaite tuina leh thiam thil anmahni pawhin an lo hriat ngai loh hai chhuah a ni thin. Tunah hian chung zawng zawng chu engmah a rem ta si lo a. Mawhphurtu a inthlak a. Nu leh pa mawhphurhna a lian hle a ni. Kohhran leh khawtlang activities tam hi sawisel awm fo mah se, 'parenting' tam tak titu an ni tih hi hriat tel pawh a tha foin ka hria. Chhungkuaa mawhphurtute hian chhungkaw inkaihhruaina kawngah lo ti tam vek ila chu kohhran leh khawtlang activities tam kan tih hi a tlakhniam ka ring. 'Gap' awma kha hnawhkhattu an ni mai zawk fo a ni.
Engpawhnise, naupang leh tleirawlte hian Hobby tha an mamawh e. I tang deuh ang u. Heti zawngte hian han ngaihtuah ila...Kan faten football an lo tuipui a. Inkhel en pui ila. Analyse pui ila. Saptawng chhiar thiam rual an nih chuan, saptawnga football lam ziahna, inkhel an analyse na te chhiar puiin, sawipui ta ila. Thil thlir thina an neih phah zawk ang. Chutiangin, rimawi lam a ni emaw, current events a ni emaw. Lehkhabu chhiar pui ila. Sawipui ila. Hetiang atan hian hun tha a niin ka hria.
Total lockdown nuam ule!
Post a Comment