Dated 11.6.2021, dar 09:30 PM lei min avanga Thuampui veng khawtlang, Chhiat tawhna ah, Thlan mi pali tan laih a ngai a, tunlai ah, Thlan lai tur a chhuah khawm pawh thil harsa ani tan tawh a, 1stBn MAP te a tangin mi sawm, an thawk chhuak a, ruahsur kar ah pawh a vur thlengin, an tawiawm ani. Tlawmngaia thawkchhuak Police te an chhuanawm tak zet e.
Thu belh :
June 11, 2021 ( Zirtawp) zan dar 9:30 vel khan vanduaithlak takin Ṭhuampui Veng, Ainawn Section, Aizawlah Pu Lallianvela In, chhungkaw hnih luah lai Assam Type chu lungrem chimin a hnawl a; mi pali an thi a, mi pahnihin hliam an tuar.
He in chim chhawng chung zawkah hian Pu Lalbiakzuala (75) te chhungkua, member pasarih an cheng a. In chim lai hian inchhungah mi paruk awmin mi pali a chhilh hlum a, mi pahnihin hliam an tuar. In luahtu Pu Lalbiakzuala fapa Lalremruata (19) chu in chim lai hian inah a awmlo a, a him thung a ni.
Hliam te :
1. Pu Lalbiakzuala (75), s/o Darropuia (L) -- In chim chhawng chung zawka cheng chhungkaw pa ber a ni a. In chim aṭangin hliam na vaklo tuarin a rawn vak chhuak.
2. Zairimawii (35), d/o Lalbiakzuala hi hun rei tak a kawnga chin hnuai lam in chimah hian a tang a, hliam tuarin lakchhuah a ni.
(Pu Lalbiakzuala fapa Lalremruata (19) hi inah a awm loh lai a nih avangin a him)
Nunna chan te :
1. Lalthlamuani (16), d/o Lalbiakzuala
2. Joseph Lalrinhlua (5), s/o Zairimawii
3. Daniel Lalngaihsaka (3), s/o Zairimawii
4. Lalṭanpuii (16), d/o Lalbiakzuala
(Lalṭanpuii ruang hi zing lamah hmuh a ni)
In chim chhawng hnuai lamah hian hnam dang chhungkaw khat, member panga (5) an cheng a. An insaseng hman avangin an him vek a ni.
1. Lalkhan Rai (40)
2. Madu (35)
3. Vishal Rai (14)
4. Vicky Rai (13)
5. Rakhi Rai (2)
Vanduaina tawkte an lainatawm hle a. In chima boral ta mi pali te kalsan tak Pu Lalbiakzuala te chhungkua bakah hliam tuarte pawh an dam thuai kan duhsak a ni.
Post a Comment