Khawvela nupui ngah ber leh chhûngkaw lian ber dintu, Chhuanthar Pâwl an tiha an Pa ber chu kum 76 mi niin, zun thlum leh thisen sâng vangin, vawiin tlai dâr 3 khân Trinity damdawi inah a boral.
Khawvelin Zofate min ngaihven chhan pakhat, khawvela Chanchin Thar (News) buaipuitu rintlak ber zinga mi, BBC meuh pawhin an rawn kawm tawh, Ripley's Believe it or not pawhin a rawn ngaihven hial, Pu Zionnghaka hi mi pakhat nih a tling zet mai.
Pu Ziona thih tlai dar 6 ah Baktawng tlangnuam chungah chhimbal a zam ruih mai
Tichuan, tuna an chenna Baktawngah hian hmun an khuar ta a ni. Baibul-a kum sang rorêl hi anmahni kaihhruaina hnuaia lo thleng mek nia ngai an ni a. Khuangtuaha hi pathian biakin a hote hian an bia a. Khuangtuaha boral hnu hian, a fapa Chana'n Chhuanthar Pâwl hi enkawl ve lehin, a boral hnuah Zion-a hian hotu nihna a chhawm leh ta a ni.
Zion-a pâwlte entawntlak êm êmna chu, an taimakna leh mahni thawhchhuah ringa an khawsak theihna hi a ni. Ni khata an ei leh in ringawt pawh chhûngkaw pakhat thla khat ei ang vel thuak a ni a. Mi tam tak sawi ang lovin, a nupuite hian anmahni duh thu renga Zion-a hi pasal atâna nei an ni.
Khawvela chhûngkaw lian ber dintu, khawvel hmaa Mizote min hung langtu, mi tam tak tâna pathian tenau a han boral ta mai hi keini mizo tan channa nasa tak ani.
Kamis ban bul ha hi Pu Ziona fapa upa ber, Nunparliana a ni a, nupui 2 a nei tawh a. A pa aiawh tura serh hran a ni tawh awm e. A bula hmeichhia hi a fate zingah lehkhathiam ber Deputy Sec ni mek a ni.
PU ZIONA CHANCHIN TLEM:
Ziona chanchin hriat thenkhat te:
# A taima em em
#Hnatlan naah a bul tan tu leh a tawp Khar tu a ni thin
#A hun tam zawk ram lam hnathawh nan a hmang thin
# Hna thawk nasa viau mahse, Sunday school naupang leh puitling zirlai thar kar tin a buatsaih ziah
# Pathianni ah hla thar zir tur a lo phuah hman deuh ziah.
# Kohhran dan thianghlim a innei tur tlin si lo te chuan an Pu hian a hre vek tho tiin an zep ngam lo, an in puang zel
# Lusun mangang tuar na lutuk te an Pu hnenah minute 10 vel an hruai chuan an nunphung pangai nghal khawp in alo councelling hman tlat zel
# An mi leh sa te taihmak a zirtir a an intodelh hle
# A lalram chhung ah ruihtheih thil a buai leh zuar an awm lo ang a ngaihtheih ani.
# Nupui hi a duh duh a nei lui ngai lo, chhungkaw rethei deuh chhawmdawl ngaibte pawh a neih phah thin
# A nupui nih hi an zak lo an hlim viau zawk,
# A nupui te uire sawi tur an la awm lo
# An formula hi a fuh, mipa leh hmeichhe pian ration hi a inthlau lutuk ngai lo, nupui he ti zat aneih chuan nula pawn lam a pasal nei chhuak tham an awm lo, an chawk luh zawk a ngaih hmel.
إرسال تعليق