No.822/2021-2022
Aizawl the 5th June, 2021: Vawiin khan Mizoram Kohhran Hruaitute Committee (MKHC) chuan Chief Minister Pu Zoramthanga chu a pisa ah tuna hripui leng mek chungchang an sawiho a. Tun dinhmunah hri vei zat an la tlakhniam theih chuang loh avang leh, mitthi an pun zel avangin, mipui kan him zawk nan a pangngai a inkharkhipna (lockdown) chu strict taka kalpui zel tha nia an hriat thu an sawi.
Chief Minister chuan MKHC ngaihdan chu a tawmpui thu leh, thawktute leh hotute a lo hrilh tur thu in a chhang a ni.
Nikum 2020 March thla a Mizoramin COVID-19 case a neih hmasak ber atang khan vawiin thleng hian hri vei mi 13,300 an awm tawh a. Nunna chan ta mi 51 awmin, a tam zawk hi second wave chhunga nunna chan an ni.
Written by: Emily Lalrinpuii, MIS, PIO to Chief Minister Dated: 5th Jun 21 1:07 PM
إرسال تعليق