HEALTH TIPS
Covid-19 hripui a leng a, hri kai chu sawi loh thihpui pawh kan tam ta hle mai. Hri laka inven dan tur țha chhiar tur a tam ta. Kawl țawnga ziak ka chhiar hi ka han thawh ve leh ang e.
Invenna atan damdawi hi a țha. Mahse, heti khawpa hri kai kan tam avang leh thihpui kan tam si avang hian mi zawng zawng tanah a țha vek lem lo a ni ang e. Damdawi chauh rinchhana inven tum lovin taksa hrisel chakna tur pawh ngaih pawimawh tel a țul tihna a nih chu.
1. Tuk zanin chaw kan chhum a. Buhtui hi taksa ti chaktu țha tak a ni. A hlanga kan in thei lo a nih pawhin in nawmna turin chi alin emaw, chini telin emaw, ser tui sawrin emaw kan in țhin dawn nia.
2. Khaw chhak lamin dam lo balhla kan tih mai, (banpawl ti pawh an awm bawk) ei țhin tur a ni.
3. Tui pai tam chi thei rah leh thlai hnah ei țhin tur.
4. Tui tam tak in tur.
5. Ei mai theih tura siam (ready made) ei chin loh tur.
6. Be chi hrang hrang ei țhin tur. Ti thei chuan bawng hnute in țhin tur.
7. Hmehhanna ei loh tur. Hmehhanna aiah chini chhe te hman mai tur a ni.
8. Thlan tla khawpa insawizawi țhin tur.
9. Kham taka mut țhin tur.
Heng tar lan takte hi taksa hrisel taka chak a, natna hri a do theihna tura tih tur pawimawhte a ni.
Invenna turin damdawi chauh ei a, taksa chakna tur ei leh in, insawizawi kan hlamchhiah leh si chuan taksaa hri dotu kha a chak lo thei a ni.
Insawizawi hian taksa a ti hrisel mai ni lovin tawrhchhelna a siam bawk a ni.
Inenkawl țha la, natna hri do thei khawp taksa hrisel pu la, hripui leng lakah lo him zel ang che u.
إرسال تعليق