Mizo Press Releases
*Aizawl the 14th June, 2021 :* Covid Task Force on mobile and internet services chuan Optical Fiber Cable (OFC) tichhe thin te lakah FIR an thehlut a. Mizoram chhung khaw hrang hranga khawtlang hruaitute leh mipuite pawh fibre cable pawimawhzia hriaa lo venpui tur leh dimdawi turin an ngen a ni.
Tunlaiin Mizoramah lockdown avangin internet leh mobile phone te kan hmang nasa em em a. A bikin zirlai ten online class kal nan leh online exam-na atan an hman thin avangin service pek that a pawimawh hle a ni.
ICT department chuan theih tawpin Mobile leh Internet pe chhuaktute nen hma an la reng a, chutihlaiin misual tu ten emaw Optical Fiber Cable (OFC) an lo tichhia/tibung thin tih hriat a ni a. Nimin leh vawiin lamah pawh telecom service operator fiber chu hmun hrang hrangah tihchhiat a ni tih hmuh chhuah leh a ni a, FIR pawh thehluh a ni.
Heng fiber te hi a chah chuan a tuartu te chu mipui bawk kan ni leh thin a, tunlaiah phei chuan zirlai ten an tuar nasa lehzual a ni. Chuvangin, hetianga OFC tichhat/tichhia kan hriat chuan thuneihtu te hnenah a rang lama hrilh vat turin kan ngen a, tin khaw hrang hranga khawtlang hruaitute pawhin a pawimawhzia hriaa Fiber cable te lo venpui tur leh lo dimdawi pui turin an ngen a ni.
Written by: Lalnunmawii, MIS, IPRODated: 14th Jun 21 5:00 PM
A ṭha in a bengvarthlak hle mai.
ReplyDeletePost a Comment