No.1049/2021-2022
A: Dan leh thupek zawm leh kenkawh chungchang
Covid-19 vanga mipuiin kan tawrhna a nasa hle a. Sawrkar-in thupek a chhuah zawm tha lote hian midang hnena hri kaidarh theihna kawng (chance) an tisang hle a ni. Mitin hi hri do theitu leh inkaidarhna laka chenpuite leh midang venghim theitu kan ni a. Sawrkar-in thupek leh inkaihhruaina a siamte zawm hi mitin ina kan mawhphurhna a ni. Thupek zawm leh kenkawh chungchangah hengte hi kalpui tur a ni ang.
1. Tumahin mahni in/compound chhuahsan loh tur a ni a, building pakhata awmte pawh intlawhpawh loh tur a ni. Damlo in kan pawh hi tihloh hram tur a ni. Sawrkar thupek zawm lo, phalna nei lova pawnchhuak leh Covid19 Appropriate Behaviour (CAB) zawm lote chu dan anga hrem tur an ni a, inngaihhnathiamna awm lova dan kenkawh (No tolerance) kalpui tur a ni. Police, LLTF/VLTF leh Covid-19 Executive duty-te’n hei hi khauh takin an kengkawh ang.
2. LLTF/VLTF-te’n theihtawp chhuaha hmalaknate chhunzawm zelin khawng lehzualin Sawrkar thupekte kenkawh tur a ni a. Tlangau hmangin nitin hun remchangahte inkhuahkhirhna kalpui chungchanga mipui hriat tur puan thin tur a ni.
3. Covid-19 Executive Duty-te’n uluk takin an bial chhung an vil anga. A zing thei ang bera mahni duty-na bial chhung tlawh kual tur a ni.
B : Dawr bungraw sem (home delivery) leh Dawr inhawn chungchang
1. Home delivery :
i) Hri laka mipui kan him theih nan pawnchhuak lo leh mi inchim lova mipui kan awm a ngai a. Chuvangin a theih chin chinah dawr hawng lovin dawrkai/sumdawngte’n home delivery kalpui tur a ni. Mipui pawhin dawr hmun pan lova online emaw, phone hmanga mamawhte order lawk a, home delivery hmanga bungrua lak tum zel tur a ni a. Courier service leh e-commerce kalpuite, State pawn leh chhunga dawrkai bungrua leh state chhunga thar/siamte chu order lawktu-te hnenah pek (home deliver) theih a ni ang.
ii) Home delivery tihnaah hian englai pawhin CAB tha taka zawm zel tur a ni a, bungrua pe (deliver) tute’n inchhung lut lovin an thil semte an pe tur a ni. Home delivery kalpui dan hi Executive Duty leh LLTF ten uluk takin an vil anga, dan bawhchhia-te chu dan angin an hrem zel ang.
2. AMC area-a dawr inhawn dan tur chu a hnuai mi ang hi a ni:
|
Dawr hming |
Hawn theih Ni leh darkar |
Hriattur pawimawh |
|
Group A dawrte |
Thawhlehni: Zing dar 5:00 atanga tlai dar 5:00 |
LLTF
ten an veng chhunga dawr inhawnni bik neilote group A leh B ah an lo then tur
a ni. Group A dawrten Thawhtanni (Monday)zing dar 5:00 atanga
tlai dar 5:00 inkarah home delivery an kalpui phal a ni.
Group B dawrten Ningani (Thursday) zing dar 5:00 atanga
tlai dar 5:00 inkarah home delivery an kalpui phal a ni. Home
delivery kalpui dan a chung (B.1)-a tarlan zawm tur a ni. |
|
Group B dawrte |
Zirtawpni : Zing dar 5:00 atanga tlai dar 5:00 |
|
|
Eichawp dawr |
Nitin Zing dar 5:00 atanga zing dar 8:00 |
Distributor/wholesaler
ten zan dar 8:00 atanga zing dar 4:00 inkarah LLTF hriatpuina-in bungrua an
sem thei ang. |
|
Thlai chi/tiak leh
agriculture leh horticulture kaihhnawih bungrua |
Nitin Zing dar 5:00 atanga tlai dar 5:00 |
Heng dawr kal tur hian
LLTF phalna lak hmasak tur a
ni. |
|
Thlai leh sa |
Zirtawpni Zing dar 5:00 atanga tlai dar 5:00 |
Thursday zan dar 8:00 atanga
zing dar 4:00 inkarah LLTF hriatpuina-in
distributor/agentte'n zuar chhawng tur hnenah bungrua an sem thei ang. Veng
dangah chawhmeh lei tura kal loh tur a ni a. Chawhmeh lei tura motor-a chhuah
khap a ni |
|
Zirlaibu zawrhna
dawr |
Thawhlehni Zing dar 5:00 atanga tlai dar 5:00 |
Heng
dawr kal tur hian LLTF phalna lak hmasak tur a ni. Thawhtanni (Monday) zing dar 5:00 atanga tlai
dar 5:00 inkarah home delivery an kalpui phal a
ni. Home delivery kalpui dan a chung (B.1)-a tarlan zawm tur a ni. |
|
Bungraw phur motor
mamawh, oil leh spare parts zawrhna, loh theih loh thila hawn ngai workshop,
puncture works |
||
|
Computer leh mobile
zawrhna leh siamna |
Zirtawpni Zing dar 5:00 atanga tlai dar 5:00 |
Heng
dawr kal tur hian LLTF phalna lak hmasak tur a ni. Ningani (Thursday) zing dar 5:00 atanga tlai
dar 5:00 inkarah home delivery an kalpui phal a
ni. Home delivery kalpui dan
a chung (B.1)-a tarlan zawm tur a ni. |
|
Hmasawnna hna peng hrang
hrang thawhna atana bungraw
mamawh - iron rod, balu, rawra, lung, brick,
cement, electric bungrua, insakna bungrua |
Dawr hawn leh bungraw lak chungchangah heng hi zawm tur a ni.
i) Chawhmeh/sa zawrh turte lakna hmunah emaw an zawrhna tur hmunah emaw thutchilh nghal phal a ni lo. LLTF-te’n chawhmeh/sa zuarte thutna hmun tur hi mipui punkhawm tlem theih dan tur berin leh social distancing tha thei ang bera vawn a nih theih nan ruahmanna an siam ang.
ii) Executive Duty leh LLTF ten uluk takin an vil anga, dan bawhchhia-te chu dan angin an hrem zel ang.
C. Bungraw load leh unload hna (8:00PM leh 4:00AM inkarah):
Bungraw load leh unload hna thawk tu te chuan anmahni ruaitu/chhawrtu- dawr/kudam neitute letter head emaw seal chuanna lehkha emaw ID card emaw hmangin an hnathawhna hmun an pan thei ang a, phalna hranpa lak a ngai lovang. D. AMC-area-a hnathawh chungchang:
i) Veng dang atanga hnathawktu rawih phal a ni a, amaherawhchu, hnathawktute hi zing dar 9 ah an hnathawhna hmun thlengin tlai dar 5 hma in an chhuahsan leh tur a ni lo. An awmna veng LLTF te hriatpuina an la tur a ni.
ii) Hmasawnna hna leh chhiatna thleng thei laka inven ngai hna thawhnaa hman tur bungraw lak ngai chuan LLTF te hriatpuina la in Incident Commander hnenah an dil tur a ni (Zirtawpni nilo a mamawhte tan).
E. Zin veivah chungchang :
(i)Chhiat tawh , damlohna leh tul bik thila AMC area atanga chhuak tur emaw lo lut tur chuan an awmna VLTF/LLTF hriatpuina lehkha kengin an lut/chhuak thei ang.
(ii)Sawrkar hna (official duty) a sawrkar hnathawk AMC Area atanga zinchhuak leh lut turten phalna lak a ngai lovang. Zin chhuakturten an ID Card leh transfer order/detailment order an keng zel tur a ni.
F. Permit pek chungchang:
Mipuiten awlsam zawka permit an lak theihnan LLTF/VLTF ten online/whatsapp hmangin a theih chin chinah pass issue tur a ni (LLTF/VLTF lehkha thlalaka inthawnin). Permit pek theih hun chhung pawh mipui mamawh dan a zirin tih rei deuh tur a ni.
G.Containment zone/area inkaihhruaina:
Containment zone/area-a puan chhunga hman tur inkaihhruaina (SOP) siam chu containment area chhunga awm-te’n an zawm vek tur a ni. Inkaihhruaina hi LLTF/VLTF ten mipui hriatah a zing thei ang berin an puang tur a ni a, Inkaihhruaina chu zawm a ni em tih thlithlai reng tur a ni. Khauh takin inkaihhruaina hi kenkawh tur a ni a, a zawm lote chungah LLTF/VLTF, Executive Duty leh police duty ten a tul angin hremna an lekkawh ang. Containment zone/area-a hnathawktu mamawh belhna a awm chuan DC emaw a aiawh Incident Commander hnenah ziaka thlen tur a ni.
H.Helpline:
Khawsik, taksa kham/na, lu na, mitna, kawthalo leh Covid-19 symptoms ni thei awm dang neite chuan hma taka inenkawl a nih theih nan an LLTF/VLTF hnenah an in report thuai tur a ni a. Tin, Covid-19 Helpline Number Toll Free 102, landline 0389-2323336, 0389-2322336 leh 03892318336 ah telephone-in an harsatnate an thlen thei ang. I.Online-a bungraw zawrh leh hralh chungchang:
Sumdawngte pawhin Online-a bungraw hralhchhuah/zawrhchhuah leh inleina kawngah Mizorama Online sumdawnna kawnghmang (platform/portal) te zirchiangin hman tangkai tum hram tur a ni. (Hrechiang duh tan DC Office Mobile No: 8787451776 ah leh 1077 (Toll Free) ah zawhfiah theih a ni).
J. Inkhuahkhirhna puan chungchang:
Sawrkar-in a siam SOP/inkaihhruaina-in a huam baka veng bil bik tana inkhuahkhirhna khauh zawk neih tul tihna a awm chuan LLTF/VLTF-te’n a chhan leh vang chiang taka ziakin Deputy Commissioner hnenah rawtna thlen theih a ni a. Mahni thu-a veng bil bik tan inkhuakhirhna hranpa/containment area/restricted area puan loh tur a ni.
إرسال تعليق