01. Motor i khalh in i hmêlma lianber chu hmanhmawhna ani tih theihnghilh ngai suh...nghâkhlel taka lo thlir reng tu i hmangaih te bul i thlenloh nâna hmanraw țangkai tak chu hmanhmawhna hi ani a, mi in hawihhâwmlo leh mâwl antih tura siamtu che pawh hmanhmawhna hi ani.
02. Driver seat a i țhut in i mutthluk loh nân fîmkhur la i mut a chhuak viau anih chuan tlân lui lo in ding mai rawh. A hmangaih tu che țahna thlentu leh mi hmangaihte țahna thlentu chu lirthei khalh lai a mutchhuak chunga tlân luih hi ani...Biakin a mut thluk aiin a pawi zawk tih hria ang che.
03. Lîrthei i khalh chhuah hma in check uluk lah. Chhe mai thei a awmem tih ngaihtuah ngun lah, kawng laka chhiat hi accident êm a thlen loh pawhin a buaithlâk ṭhin hle.
04. Zû leh ruihtheih dang rui chunga lirthei khalh hi hremhmun kawng hnai ber leh Dân bawhchhia a ni, tih hrereng ang che.
05. A kengkawhtu Sâwrkâr-in dân leh hrai a zam hi Pathian thu ang deuh ania, a zâwmtu tân malsâwmna leh damna ani tih hria la, zâwm hrâm hrâm la i him ngêi ang.
06. Hnehtu tak tak te hmanrua chu tlâwmna nun hi ani tih hria in, kawnglaka in pêl leh thildang ah pawh a tlâwmzâwka țan zêl hi Zo nun-zemâwi leh kan kristianna kan tih lan na tur ani.
07. A hmasa zâwk, Chak zâwka tlân hi ropuina anilo tih hria la, pêl duh che an awm anih chuan midangte tâna malsâwmna ni turin mi in tlânpêl tir țhin ang che.
08. Fîmkhurna i tlâkchham dâwn apiangin mi fîmkhur tak i tipalh thei ani tih hria la, fîmkhur lo tak a rawn tlân i hmuh chuan....a chhung te’n an mamawh leh hmangaih a thlâkhlelh êm êm, mi nunna ati derthawng thei ani tih hria in, țawngkam țha takin afîmkhur theih nân zilh hrâm țhin ang che.
09. I motor kê țha ber ber kha, a ke hma lamah vuah țhin ang che. Motor kê puakkeh / Puncture laka i in vên theih nân.
10. Kawng diak / nâl laia i tlân laiin, Kawng nâla kêa i kal a i kê zungpui, tawlh tlûk hlaua i kom ṭhin ang khan 1st Gear la in muangchângin tlân ṭhin ang che. I Slip/tawlh loh nân.
11. Kawng diak laia i tlân lai leh i tlânpêl tawh hnu reilote chhung chu muangchângin tlân la,i motor pawh afâi rei in a him bawk ang.
12. Kawng min / chhia ah i tlân dawnin i mi phurh (Passenger) teh chhuktir ṭhin ang che. Palh thila an him zâwk theih nân.
13. Motor i khalh laiin, kawnglakah i hmêlhriat i biak pawhin, kawnglaiah ding mailoin kawngsirah side hmasa in be ṭhin ang che.
14. Zâidam leh dawhthei taka lirthei hi khalh ṭhin a ṭha. Enge maw hleka thin chhiat êm êm zêlte hi a ṭhalo, thin rim chunga Motor khalh chu a tluang thei lo.
DRIVER MÂWL NIHNA
01. Motor tâwt laia mi kâra inzep a tlân fua fua te hi Driver mâwl nihna.
02. Kawng clear laia hnung amite ngaihsak miah lo a, muang lutuk a tlân te hi Driver mâwl nihna.
03. Kawng ngila tlân lâi a, Driver lu chung Glass(Mirror) en ngâi lo leh kawngkual a tlân laia side Glass(Mirror) en ngâilote hi Driver mâwl nihna.
04. Din dâwn, kual dâwn leh kawngpui sira ding, tlânchhuah dâwn a indicator light tihênna châng hrelo te hi Driver mâwl nihna.
05. Din dâwn leh kual dâwn ah, 10-15 metres vêl a la awm tih a, indicator light tihênna tur lam tiêng ngâilo te hi Driver mâwl nihna.
06. Khawchhiat lai, chhumzîn lâi, zîng nî chhuah hma leh ni tlâk hnua tlân paha Parking light tihênna châng hrelo te hi Driver mâwl nihna.
07. Zân thim hnua light tiêng lo a tlân leh Low Beam a dah nachâng hrelo te hi Driver mâwl nihna.
08. Zânah kawng sira din lâia Head light tihên vû hi Driver mâwl nihna.
09. Motor i pelh dâwna chho zâwnga tlân, dah lalna châng hrelo hi Driver mâwl nihna.
10. Kawngsira kê a kal te tuihâwk leh chirh chîlper chîng te hi Driver mâwl nihna.
11. One way a wrong side a tlân chîng hi Driver mâwl nihna.
12. Zân reh leh Motor tlem lai anih avânga Traffic Point hêl ṭha duhlo te hi Driver mâwl nihna bâkah Dân bawh chhia a ni.
13. Droping Zone a rei tak ding reng hi Driver mâwl nihna.
14. Khawpui lunlai Parking area a midang Park-na tur ngaihtuah ve miah lo a, lâi tawka Park ṭhin te hi Driver mâwl an ni.
15. Kawng pêng zâwna Passenger Drop leh ding te hi Driver mâwl an ni.
16. Hma-a Traffic Jam-ah Motor dang chiangkuang lo / Accident emawh avânga hnung lam aṭanga engmah ngaihtuah lo a, Horn hmerîk vak vak hi Driver mâwl nihna.
17. Kawngpui/Kawnglâiah in Turn an awm a, tlêm nghah hi Driver Polite nihna a ni. Va hnawhlui ṭâl erawh Driver mâwl nihna.
18. Kawngpui aṭanga Parking-ah Back lûttur an awmin,ding(right) leh vêi(left) side aṭanga Motor tlân te’n nghah hlek a ṭha, Driver Polite nihna a ni. Va hnawhlui ṭâl erawh Driver mâwl nihna.
19. Motor i tlân lâi rêng rêng in i side-ah i tlân reng tur a ni. Motor dang hmuh hnua side la chawp chauh te hi Driver mâwl nihna.
20. Motor khalh lai a, kawnglaka hmêlhriat biak pawh a, kawnglâiah ding mai te hi Driver mâwl nihna.
21. Kawng chêpa in tawh palh a, Back duh tlat lo te hi Driver mawl zia a ni e.
I mâwl ṭhîn em? Nangma’n i hria e.
Source : https://www.facebook.com/AizawlCity/posts/1511677405634164/
إرسال تعليق