Dt.14.6.2021 atanga Dt.20.6.2021 thleng AIZAWL MUNICIPAL CORPORATION AREA CHHUNGAH “ZERO TOLERANCE WEEK” KALPUI DAWN

No.950/2021-2022Aizawl 13th June 2021: Mizoram Sawrkar chuan Covid-19 darh zel tur venna’n Order No.B.13021/101/2020-DMR/Vol-IV, dt.12.6.2021 hmanga in khuahkhirhna a tih chhuah leh tak avangin Dt.14.6.2021 atanga Dt.20.6.2021 thleng hian Aizawl Municipal Corporation Area chhungah “Zero Tolerance Week” kalpui tur a ni a. 

Sorkar SOP leh District Magistrate-in chhun lam leh zan lam atana inkaihhruaina dan a siam zawm lo te chu ngaihdamna tel lovin dan ang taka hrem zel tur a ni.

Deputy Commissioner-in duty tura a ruat zawng zawng-Executive duty, Police leh LLTF zawng zawngten an duty-na hmunah (chhun emaw zan emaw pawh ni se) Patrolling pawh uluk leh khauh tak leh ṭhahnemngai takin an kalpui tur a ni bawk ang tih DC, Aizawl District chuan mipuite a hriattir a. An duty-na hmunah mipui chetla uluk takin an vil tur a ni a, sorkar thupek zawm lo leh District Magistrate leh a aiawhte thawhpui ṭha duh lo te chungah dan angin hremna an lek kawh bawk tur a ni.

Chhun Duty, Containment Area leh Zan lama Duty tura ruatte pawh hmun khata awm ngawr ngawr lovin veng kilkhawr leh mawng deuh pawh uluk taka vilin an tlawh chhuah vek zel tur a ni. 

Written by: Dr. Saithantluangi Zote, MIS, IPRODated: 13th Jun 21 5:41 PM