HRISELNA HUANG

HRISEL TAKA DAM I DUH CHUAN

June 10, 2020   Ningani

[Nikuma ka post a ni a. A kum khat chamah a lo lang leh a. Upa lam tan pawimawh nia ka hriat avangin ka han dah leh ang e.]

Mizo upate chuan, "Vahmim a kara mawng ṭawih," an ti. Dam han tih hian hrisel lo leh bawrhsawm taka dam ve reng hi a awm theih a nia. Chuvangin hrisel taka dam tur hian kan tih ve tur a awm a ni. A bikin upa lam, kum 45 leh 60 inkarte tan a pawimawh zual bik a ni.

Tih turte:

=======

1. Rih zawng (weight) ven ṭhat tur. Insawizawi ṭhin tur a ni.

2. Kham taka mut tur.

3. Pumpui ven ṭhat tur. Thil kan eiin muangchanga ei tur. Ei tam lutuk loh tur. Puar lutuka ei loh tur , 70% a tawk. A nem lam ei ṭhin tur. Mawm, thlum, al, thak ei tlem tur. 

4. Ruh chang ven ṭhat tur.

5. Vitamin D awmna bawng hnute, sangha leh be chi hrang hrang ei ṭhin tur. Zingah emaw, tlaiah emaw ni saah minute 10 vel tal inpho ṭhin tur. A khat tawkin Vitamin D damdawi pawh ei ṭhin tur a ni.

6. Kein kal tam tur. Chawn tha a chak hian lung natna a veng thei. Zuan euh euh ṭhin tur a ni.

7. Zai ṭhin tur. Chu chu chuap sawizawina a ni. Kut pawh ben ṭhin tur.

8. Taksa hman rim lutuk loh tur. Rilru hahdam taka awm tum tur. Thinrimna thleng tur lakah inven fimkhur tur.

9. Rilru hahdamna turin Pathian lam ngaihsak tur.  

10. Taksa faina ngaih pawimawh tur. In leh a chhehvel faina ngaih pawimawh tur.

11. Khumfa, tho, thosi, sazu leh fanghmir nei lo tura ven ṭhat tur.

12. Thluak sen ngai chi eng emaw tih ṭhin tur.

Mahni tui zawng thluak hmanna chi kan tih hian thluak natna (alzheimer) lakah mi a veng thei a ni.

13. Kua a ṭhatna (ek) turin ei inah fimkhur tur.Tui tam tak in ṭhin a ṭha. Thisen kawng ping tur a veng thei. Taksa lum, sa hulh hulh tur  a veng thei. Kala lung awm tur a veng thei.

14. Tukṭhuan ei hmain tui no khat,  tuilum no hnih in ṭhin hian rila bal awm tur a tleuh fai thei.

Mut dawna tui no khat in hian zing zun a tinuam a, kawchhung sa tur a veng thei.

Kum 30 pelh tawh chinah chuan thisen kawngah thau bawh a awm ṭan a, thauvin thisen kawng a hnawh ping thei, fimkhur tur.Chuvangin mawm ei tlem a, tuilum in tam a, insawizawi ṭhin hian thisen kawng ping tur a veng thei.

[Kawl ṭawnga ziak lakchhawn a ni e.]