(Google Form hmanga chhanna hrang hrang lakkhawm)Kanan Weekly chuan June 10 &12, 2021 chhung khan Google Form hmangin Covid-19 hri leng avanga mipui ngaihdan a la a. Hri leng avanga kan dinhmun tlangpui a hriat theih turah ngaih a ni. Zawhna 20 siam a ni a. Zawhna mai bakah ngaihdan leh duh zawng sawi an awm bawk a ni.
Upper Kanan section atangin chhangtu zawng zawng atangin za 28.9% in an chhang a, chhang tam ber section an ni. South Kanan section in dawtin 25.9% in an chhang a, Middle Kanan section in 24.1% in an chhang a, Lower Kanan atangin 21.1% in an chhang bawk a ni.
Zawhna indawt danin chhanna tlangpui te tarlang ila.
1. Hripui laka invenna ah eng ber hi nge zawm i harsat?
A. Hmaituam/Face Mask hreng tha peih lo 9.6% an awm a.
B. Kut sil tha peih lo 6% an awm a.
C. Midang hlat a awm(Social Distancing) zawm harsat hi 13.9% an awm.
D. Tha tak a zawm thei erawh tam berin 70.5% an awm.
2. Lockdown chhung hian hriat chian loh(hri kai nge kai lo) inleng i nei em?
Nei ti a chhang 18.1% an awm laiin nei ngai lo erawh tam zawkin 81.9% an awm.
3. Hrileng do kawnga kan veng hmalak dan hi i duh khawp em?
Duh khawp lo tam zawkin 75.3% an ni a. Duh khawp ti a chhang hi 24.7% an ni. Duh khawp loh chhan ngaihdan lakna hetiang hi a ni.
An khauh tawk lo 37.8%
Fimkhur lo an tam 38.5%
Pawn chhuak an tam 23.8%
4. Hri do kawnga Local Level Task Force hnathawhah hian i lungawi/tha i ti em?
78.3% ten tha an ti a. Tha tawk lo a ngai 21.7% an awm bawk.
5. Vengchhung mipuite hian thu kan awih tawk em?
Awih lo ti a chhang hi 81.3% an awm a, 18.7% chuan thuawih thaah an ngai.
6. Mipuite hian hri do kawngah kan tih tur ang hi kan ti em?
Hri do kawngah mipuiin kan tih tur ang kan ti lo ti a chhang 74.7% an ni a. Tih tur ang chu ti ve zel e ti a chhang hi mi 25.3% an awm bawk.
7. Thil tul a i chhuahin i mi hmuhte an fimkhur tawk em?
Fimkhur tawk lo ti a chhang hi mi 60.2% an awm laiin fimkhur a ngai erawh mi 39.8% an awm.
8. Mipui leh Khawtlang hruaitute/LLTF te nen hian kan thawhhona a tha tawk em?
Ngaihdan a in zat thuak a, tha tawk e ti a chhang hi 53.6% an ni laiin tha tawk lo a ngai 46.4% an awm.
A tha tawk lo tih avanga ngaihdan lut tam tak zinga an sawi langsar deuhte tarlang ila.
a) Task Force member hi tih tam/len deuh a la ngai.
b) Home Quarantine te hming tarlan a, puan zar zel.
c) Thenawm in a luh kual ching an awm leh thin hi an sim theih nan zirtir ni se.
d) Mipuite tanrual theihnan hmalak nise.
e) Mipui te hian Task Force te hi kan pamlzam mah mah in a lang.
f) Task Force thu chhuah ngai pawimawh lo an tam.
g) SOP angin khauh taka in enkawl.
9. Thlai zawrh ni a kan inzawrh dan hi tha tawkin i hria em?
Thlai/Chawhmeh kan zawrh dan tha ti 66.9% an awm laiin 33.1% erawh chuan tha an ti lo.
In zawrh dan tha zawk awm thei a ngaihdan awm te tarlang ila.
a) Section inchhawk a bazar hun siam
b) Community hall a thutkhawm tir hian mipui kan inhnawh chep a, pawn ualau laiah boruak chet tam theihna hmunah in zuar se, mipui pawh kan thawl zawk ang.
c) Bazar hun chhung tih rei.
10. Local Level Task Force meber te hi an tangrual tawk em?
Tangrual tha a ngai 78.3% an awm laiin tangrual lo ti hi 21.7% an awm.
11. Hripui do kawngah hian mipuite hian insiam that/inenfiah leh zual kan ngai em?
100% ten mipui te hian in siam that kan la ngai an ti.
12. Hrileng kan pun thar leh chhan hi enge niang?
a) Pawn la chhuak ru/ thenawm tlawh pawh la tam vang ti hi 69.3% an ni a.
b) Mask vuah/ kut sil tha peih loh vanga ngai mi 27.1% an awm a.
c) Mimal inthlahdah vanga kai ti a chhang 3.6% an awm.
13. Veng bil ang hian engtia hmalak nge tha ang?
a) Strict bur leh thuawih lo a taka hrem ngam duh 63.3%
b) Positive Contact, HQ tawh lo va, Quarantine Centre a dah duh 19.3%
14. 4C(covid hri kai enkawlna) hi din belh tul i ti em?
Community Covid Care Centre(4C) din belh tul ti 66.3% an awm laiin tul ti lo hi 33.7% an awm.
15. Hnathawk theilo (sawrkar hnathawk lo bik) ho hi engtia chhawm dawl nge tha ang?
Chief Minister Relief Fund leh Local Level Task Force ten sum an dawn belhkhawm hmanga tanpui duh an tam ber a, 83.7% an ni a.
CM Relief Fund dil tha ti hi 7.8% chauh an ni.
----------------------------------
Tlangkawmna
Kanan Weekly chuan chhangtute zawng zawng chungah lawmthu a sawi a. Zawhna zawh thiam a har hle a, khawtlang leh ram nghawng a nih rualin hri leng inven theih a nih si avangin zawhna fing tak a awm lo maithei a. In mi hriatthiamna pawh kan dil e.
Ngaihdan tha tak tak thawhtute chungah pawh lawm thu a sawi tak meuh meuh e.Veng chhung thatna tur duh leh vei em em kan la awm teuh hi a ropui tak zet a. Vei lem lo, ngaihdan pawh nei lem lo, hruaitute hruai anga lawm taka kal chi erawh kan la tam zawk a, hruaitute ring chawt a, ngaihdan siam thin pawh kan la tam bawk e.
Kan chhanna leh kan ngaihdan puan atanga lang chiang tak chu Covid-19 in min luh chhuah hneh lutuk hi tute pawh a te ber atanga a lian ber thlengin kan tanrual a hun tak zet tawh tih a lang chiang a. Inthlahdah taka hun hmang mai mai hman kan ni lo, tul tawp ah chauh lo chuan khawlai chhuah a hun lo takzet tih pawh a hriat.
LLTF member te an hah zia leh kan tana a inpekna kan chawimawi thiam hle a, tan lakna tur ngaihdan kan siamah pawh an tan thiltih harsa a awm lo turah ngaih a ni.
LLTF mawhphurhna ai mahin mipuiin mawhphurhna kan nei sang hle a. Mipui in siam that ngai ti a chhang hi 100% zet kan ni a. Midang mawhpuh lo in, kan hma zawna kan tih ve theih reng tih tan thar kan ngai hle a ni.
Sum leh pai, ei leh in thleng harsatna tawk mek kan ni a. Sawrkar atanga tanpuina sum hmuh tur a tam tawk lo maithei. Tin, kan min sem seng vek lo thei bawk. Tanrual erawh kan chakna a la ni. A nei leh thla tin hlawh nei ten tlem lua awm lovin thawhkhawm zel ila, dawr kai leh thil zuar thinte pawhin hlawk tum hrih lovin rawngbawlnaa ngai a kan pen chhuah a hun ta e.
Post a Comment