LTF/VLTF duty naa Covid-19 avanga thihna tawk ten Nuai 20 an dawng thei dawn e

 Source : DIPR Press Release No.1045/2021-2022 Dated: 19th Jun 21 1:32 PM

Mizoram Sorkar-in a din, Task Group on Insurance, Govt. Of Mizoram-in press release a tihchhuah danin, LLTF/VLTF member/volunteer an duty naa Covid-19 vanga nunna chan, Ex-Gratia Lump Sum Compensation Scheme hnuaia inziak lut ten Nuai 20 thleng an la thei dawn a, tunah hian mi 25740 an inziak lut tawh a ni. Mizoram Sorkar-in hetianga ruahmanna ṭha tak, LLTF/VLTF Volunteer-a thawktute tana a siam hi a lawmawm hle a, Mizoram Sorkar fakna awm tak pawh a ni ang.

Sorkar-in Ex-Gratia Lump Sum Compensation Scheme a siam chu a nihna ang taka hman a nih theih nan chak takin Task Group on Insurance chuan a bawhzui zel a, tunah hian LLTF 83 cover tawhin member/volunteer 4273 ziah luh tawh an ni a. VLTF pawh 740 cover an ni tawh a, member/volunteer 21467 ziah luh tawh an ni. LLTF hi chu zawh a ni tawh a VLTF pawh hi zawh thawkhat tawh a ni. (DIPR)

He Scheme ṭha takah hian LLTF/VLTF member la inziak lutlo an awm chuan Task Group on Insurance duhdanin a rang lama inziah luh zel pawh a ṭha hle ang. La inziak lutlo te pawh June ni 21, 2021, 5:00 PM hmaa inziaklut vek turin an ngen a, hemi hnu lamah hi chuan inziah luh belh tur chuan Task Group phalna lak hmasak zel a ngai tawh dawn a ni.

LLTF/VLTF volunteer-te tana Insurance Scheme ṭha tak mai Mizoram Sorkar-in a siam hi a lawmawm takzet a. LLTF/VLTF member, khawtlang tana in volunteer te tan pawh a lawmawm hlein a rinawm.

Politics-a inbeihna thubelhchian dawllo nasa tak leng vel karah Sorkar hmalakna ṭha tam tak awm te hi mipui pawhin kan hriat ve a ṭul a. Politics thila inbeihna leh rorel lai dinhmun pheh hniam tumna avanga Opposition-te thu hla chauh kan bengah kan thun a nih chuan ṭul lova Sorkar puhmawhna min neihtir thei a. Dawta mipui rilru kaihhruai tumtute lakah mipui pawhin thudik zawk hre tura kan beng kan chhit tel fo a ṭul.

LLTF/VLTF Volunteer-te tana Insurance Scheme ṭha tak siamsaktu Mizoram Sorkar an fakawm  hle mai. 

Source : 

Chanchin kimchang zawka i chhiar duh chuan hetah hian click  rawh le.