WHO te leh website rintlak tak tak anga ngaih theih te sawi dan hi kan hriatthiam theih turin sawi ta ila. Mask rau rau ah pawh N95, KF94, Sugical mask te hi virus filter tu atana an rin langsar deuh te an nih angin han sawi bik ila. Chutah pawh FDA, ISI, ISO, DRDO certified leh approve an nih leh nihloh te enfiah a pawimawh.
Mask chihrang pathum te hian 2ft a lian virus filter thei ta se. Covid 19 virus hi chu 1ft a lian a ni a. Amah chuan a tlang purh thei dawn anih chu. Amaherawh chu virus hi amah lawng lawngin a tlafal lemlo a, eng thil(particle) ah emaw a bet/kai ta a, a size a lian ta ani. Oxygen particle ah te, Chilper sin te te ah te an fu ve a, chutak chu mask chithum te khian an lo filter thei ta. An mahni a kalsawn thei an nih tak loh ah chuan mask ah khan thawk, ṭawng zawnga chilper(droplet) lo danbeh khan himna kan lo nei thei ta.
Chilper ti a kan sawi te hi a hlawm a len chuan an thleng tawi a. An tet poh leh an thlengthui a sawi ani. Mask kan vuah loh hian meter 2 aia thui deuh te an leng kual thei a, mask vuah hi chuan tamtak chhuak tur a ven bakah, meter khat vel an leng thei a sawi ani bawk.
Tichuan mask hian a lo dangchat thui hle thei a. A thawchhuak/chilper neitu leh a lo dawngsawngtu in mask an vuah that chuan virus chu a tualthi thei ta thin ani.
Mask vuah that leh uluk a pawimawhna chu mithiam ten an sawi angin, Biang, Khabe, Hnar kawn lam, a khawi atang mah a boruak lutchhuak lo thei ang ber a vuah angai ta. A tawt(tight) tha in a vuahtu kha a fit thlap a pawimawh ta em em bawk.
Mask leak leh leak loh chu test dan hrang hrang hman theih a an sawi ah chuan :- Mask vuah chunga bati chhemhlum tum te, tarmit lama thawka huchhuak bawh (Fogging) awmlo tur a sawi leh ani bawk. A dang leh ah chuan thawkluh leh chhuah laia mask a thep deuh leh rawn pangngai leh hian a filter dan engngemaw chen a hriat theih bawk.
Mask double hi a pawimawh na chu kan mask size duh ang thlap kan lei fuh lo thei. A filter double bakah a sir kual zawng zawng atanga boruak luhna tihphui zual nan a pawimawh zual ta ani.
Mi tamtak hriathnu anih ka hria, nimahsela mi thenkhat han hmuh a, mask tihtur(duty) hrelo ni awm tak khawlaiah hmuhtur an la awm fo a alan avangin sawi zau leh zual atan ka rawn sawi ve mai ani.
Kan mask pawnlam kan khawi pawh hian kut tihfai leh zel a pawimawh.
Covid virus hi kan chenpui thiamin, a nihphhung leh nungchang (characteristic and behaviour) kan hre fiah tan a, kan invenna mask, kutfai leh midang hlat a awm kha nasa takin a tangkai anih kha.
Tuna Delta variant + an tih hi a nihphung leh nungchang te a lo intihdanglam avangin inkai dan a awlsam leh zual a sawi a niin, a hma a mi ai khan a thawkna zawka sawi te a awm a. Hei pawh hi kan mithiam te zarah kan la hrechiang leh turah ngai ila. Theih tawkin inveng zel phawt teh ang u.
Post a Comment