Mizote leh kan system dik tawh lo te

 Naupanlai ata tawh hausa kan tehna ber chu pawn lam lang chhuak thei thil - In, Motor, Furniture, Incheina etc te a ni thin a. Miin sum a neih tawh phawt chuan hetiang luxury item hi neih ngei a tum thin a. Chhungril investment tak tak lam kan ngaihthah a. Hei hi chapona irhchhuah, a dera nun bul tanna dik tak a ni.

Mi hausa thilpekah kan lawm hma em em a. A thlâwna dawn a nih hrim hrim tawh hi chuan khawia atanga a neih nge, tu pawisa chan tur tlingkhâwm atanga a hui nge min pek then tih lam reng reng kan ngaihtuah chang tawh lo thin! Mi retheite hian min rap bet turin kan mi hausate hi kan vulh lian a ni ber.

Sum leh pai dik tak zêl lâk vanga chuang bâng nei lo te chu an luan chhuah khât châwk thin avangin uikawm leh in ren kan ti a. Luangchhuahna châng hre ve lo tiin kan dem luai leh luai thin si a. 

Mipuite hian kan mi bialtu MLA/Officer/Politician/Sumdawng liante hi sum leh pâia huamhauh lo thei lo dinhmunah kan siam a ni ber. Kan inngaihtuah chian a ngai tak zet!