DIPR Mizo Press Releases  No.1139/2021-2022

Aizawl, the 26thJune 2021 : Health & Family Welfare Department chuan Covid Care Centre (CCC) Inkaihhruaina Notification No.D33011/39/2021-HFW(SOP)/E dated 21.05.2021 leh Community Covid Care Centre (4C) Inkaihhruaina Notification No.D33011/39/2021-HFW(SOP)/Edated 21.05.2021-a chhuahte chhunzawmin a hnuai a mi ang hian nimin khan DCH/DCHC/CCC/CCCC-a Covid-19 vei, rualbanlote enkawl dan tur ruahmanna a siam a. He thu chhuah a nih atanga thu leh awm hma chu hman tur a ni.

RUALBANLO (TEMPORARY/PERMANENT) TE TAN REMCHANG ZAWK DCH/DCHC/CCC/CCCC/DCCC INKAIHHRUAINA:

1.Mahni a inenkawl thei lo tan awmpui neih phal a ni.

2.DCH ah leh District tina CCC pakhat tal ah Wheel-chair a luh theihna ward ruahman tur a ni.

3.Heng ward-a inthiarna te hi wheel chair hmang tan a hman theih tur a siam rem tur a ni. Ward pakhat tan inthiarna pakhat chauh a awm a nih chuan a awm chhun chu mitin tan a hman theih tura (wheelchair hmang tiamin) siam rem tur a ni ang.

4.Heng Covid-19 vei enkawlna hmuna test kalpui dan/damlo enkawl dan/ei in sem dan etc. chu rualbanlo te dinhmun hre rengin, a tul anga siam rem tur a ni angs

5.Mahni a insaseng thei lo an awm thin avangin, an kawr thlak chhung etc. a privacy an neih theihna turin an hman tur portable screen/parda chu ward ah kawl tur a ni ang.