Chanchin kimchang deuh zawkin:
Thu dawn danin, kar hmasa hmasa leh khan TNT Center-1 damlo pakhat chu Center-1 O/B pakhatin bike-a phurin damdawi inah a kalpui a. Hetah hian RAT hmangin an lo test a, dam lo zawk hi a negative-a a hruaitu chu a positive ta hlauh mai a. Damlo hruaitu hi Aizawl Kanan Veng mi a nih angin, Kanan Veng 4C-ah dahluh nghal a ni.
Positive contact leh amah hnaih thei awma ngaih te test vek an ni a, an vaiin an negative vek a, an ngaih a tha deuh huai a. Hun a han kan hret a, an awm hun hmang zo tawh an chhung ten an lakchhuahte chu, fimkhur thilthuah in an thlen hmaa test ti vek turin an hrilh a. Chutianga chuak te an han in test chuan an positive ta deuh zel mai a. Tukin zingah TNT lam hotuten Health Minister Dr. Thangtea phone-in an dinhmun an hrilh a, a nin hma la nghalin Covid1-19 Medical Operational Team Chairman Dr. Thiamsanga leh Dr. Pachuau Malsawma te nen, Tinity, Ebenezer leh Aizawl Hospital doctor leh nurse te nen TNT hi vawiin (date 20/6/21) chhun khan an luchilh ta a ni.
Medical team te hian TNT reception, Control room leh Choka duty te atangin bul an tan a, heng hlawm thum atang hian mi 12 positive an han hmu nghal mai a, chanchin buatsaih lai hian mi 23 positive hmuh an ni tawh. Ward hrang hranga awmte test vek an ni dawn a. Tun dinhmunah TNT-ah hian mi 1300 vel an awm niin an sawi.
TNT founder Dr. Sangthankima hi nimin khan Kolasib center tlawhin a kal a, a ni pawh an dinhmun hi hriattir a ni.
DIPR Press Release in a tarlan danin Dated 20/06/2021 a Hon’ble CM, Health Minister leh Dr ZR Thiamsanga Chairman, Medical Operation Team on COVID-19 te hmalakna a, TNT Muanna Venga RAgT Test runpui neih ah hian . Mi 989 Sample ah 528 Covid-19 Positive hmuh chhuah an ni.
TNT hi 4C ah hman tura buatsaih nghal a ni a. Test runpuiah hian IDSP/CMO ten hmanrua leh MOT te hian technician an thawhchhuah pui a, private hospital 3 - Ebenezer, Aizawl leh Trinity Hospital ten an tanpui bawk. TNT hi Containment Zone a puang turin hmalak nghal a ni.
Health Minister hne atanga thudawn danin Vanneih thlak takin tunah hian Symtom nei buaipui angai an awm lo a, a lawmawm hle .
TNT TAN I TANG HO ANG U AW
Hun rei tak hripui laka an him hnuah TNT Center Muanna veng chu Covid 19 hripuiin a luhchilh hneh ta hle mai. An dinhmun tha lo tak mai chu kan ngaihven vek mai a. An lainatawm takzet a ni! TNT-ah hian rilru lama rual ban lo mi 280 chuang awmin ruihhlo ngai leh fahrah enkawltu neilo te bakah thawktute nen mi sang chuang tehmeuh tunah TNT ah hian an awm a ni.
Tuna an test result kan hriat theih chin atanga chhutin 60% chung lam hial Covid 19 positive an awm thei dawn niin a lang a. A hmuna luchilhtu mithiam ten an sawi danin, RAT test hi 50% dik anga chhut a nih avangin, tuna negative anga result neite hi an positive theihna chance a sang em em bawk si a, TNT chhunga awm zawng zawng hi positive vek tur anga ngaih an ngai hial awm mange an ti a ni.
Mi sang rual teh meuh maiin hripui leng an tuar a ni a, an mahni tanpui turin kan theih ang tawka kan chet chhuah a ngai ta a ni
TNT tan hian tawngtai mawlh mawlh ang u khai
إرسال تعليق