YMA DAY 2021 THUCHAH

CENTRALYOUNG MIZO ASSOCIATION MIZORAM : AIZAWL

Central YMAchuan Mizo mipui zawng zawng YMA DAY Vawi 86-na chibai a buk a che u.

YMA din champha June 15, 2021-ah hian Sub. Hqrs/Group leh Branch YMA zawng zawngin mahni huam chhungah YMA Day-ah hian sawrkar inkaihhruaina zawm chungin a remchan dan anga hmala theuh turin kan inngen a. YMA Day programme kan hman turah hian, heng a hnuaia tarlan te hi rilru a hre reng turin Sub. Hqrs/Group leh Branch YMA zawng zawng te kan inngen thar leh a ni.


1.YMA DAY 2021 thupui atan ‘Zirna Uar’ hman ni se.

2.YMA Day-ah hian Sub-Hqrs/Group/Branch huamchhung hmun rem laiah YMA Flag a ngul sang takin zar chhuah ngei ni se.

3.YMA hi tanpui ngaite tanpui tura pawl din a nih angin, veng/khaw chhunga mi harsa leh chhumchhiate dapchhuak a, a theih ang anga tanpui nise, chenna in thawmthat ngai leh
khawsak harsa zualte dapchhuak a, a theih leh remchan anga chhawmdawl ni se.

4.Dam lo mangang tanpui ngaite thisen pe turin YMA Branch tinte leh mimal tinte kan
inngen a, faina leh thianghlimna hi YMA ten kalphung ngheta kan lo neih tlat tawh angin,
he ni denchhen hian faina kawnga tan la thar tura inzirtir ni se.

5.Sub. Hqrs/Group leh Branch YMA ten a remchan dan a zirin Hospital/Home/Centre-ah te YMA Day puala tanpuina thilpek hlan nise. Tin, YMA In, Library, Lungphun, Sign￾board leh thil dangte tuaithar leh nise.

6.Thangtharte-ah tlawmngaihna inzirtir thar leh nan hman tum nise, hnam ziarang pholangthei thuamhnaw inbel uar kawngah tan lak ni se.

7.YMA Day hman dan hi Central YMA Office-ah report theuh turin kan inngen bawk e.


“YMA Vul zel rawh se”

Sd/- Prof. LALNUNTLUANGA
General Secretary

Sd/- VANLALRUATA
President,

Central YMA