SL&PB chhuah lehkhabu thar, PC Laltlani ziahah hian Kristian hmeichhe ngaihsanawm em em pali; Florence Nightingale, Pandit Ramabai, Mother Terasa leh Dr. S. Ida Scudder te chanchin chu ngaihnawm, bengvarthlak takin tarlan a ni a. Nun a chawm a, Pathian ropuizia a hmuh chian lehzual theih bawk.
2. Mizo Tawng Upa Dictionary : A man Rs. 120/-
Social Media-in min chiahpiah tial tial a, kan tawng kan bosal tial tial niin a lang. SL&PB chuan Mizo tawng upa kan neih, awmze ril leh thuk tak takte kha a boral mai hlauin 1980 khan Word 2941 awmna Dictionary tha tak mai, F. Ropianga ziah chu a lo chhuah tawh a. Tun hnaia kan mamawh thar leh tak em avangin chhut nawn a ni leh ta. Zirlaite leh tawng humhalh lama tuite tan lehkhabu tangkai a ni ngei ang.
3. Kohhran Tel Lo Kristianna: A man Rs. 150/-
Tunlaiin thangtharte zingah Kohhran kan zahna a tlahniam tan em ni tia zawhna a awm tan theih mek laiin PC Nghaklianmawia chuan khawvel ram danga Kristian thenkhat Kohhran awm an duh loh chhan leh an rin dan kalphung te fiah taka tarlanna a rawn ti chhuak hlauh mai. A bengvarthlak mai ni lovin kan hma lam huna Kohhran kal zel atana kan lo inbuatsaih lawk theih nan a tangkai hle ang.
4. Mizo Buanpuite: A man Rs 280/-
MAL Book of the Year 2017; “Savun Kawrfual” tih ziaktu Lalhmingchhuang Zongte chuan a boral hma lawk khan lehkhabu awmze nei, tunlai Mizo te thupui chai hlawh tak tak; ‘Mizo ten thihna kan hmachhawn danah hian insiam thatna tur kan nei em?’ ‘Anpui kawpte hi engtia ngaih tur nge?’ ‘Kohhrante hi milem biakna tihluartu kan ni thei em?’ tih leh “Tunlai hunah hian zawlnei an la awm em? tih bakah thupui ngaihnawm dang tam tak funna bu chu a lo buaipui a. Chu lehkhabu chu a ruang chungah release niin tunlai lehkhabu ngaihven hlawh ber leh hralh kal ber a ni zui ta. Chhiar ve ngei hi mi pangngai hna a ni ang.
5. Israel Leh Arab Indo Thu: A man Rs. 150/-
Israel hi khawvela dotu ngah ber hnam an ni hial awm e. Independence an hmuh ve zan atangin indoin bul an tan a, vawiin thlengin a ram thenawmte nen inngeih tlang taka awm an la nei ngai lo. Indona tenau mai ni lo ‘Ni ruk indo’ leh ‘Yom Kippur War’ te pawh an lo hmachhawn tawh a. Chung indona hrang hrang chanchin te, mak tak taka Israel-in hnehna an chan dan leh Pathianin a hruai dante chu Pu C. Rokhuma khan a damlaiin a lo ziak tawh a. Rei tak hmuh tur a awm loh hnuah C. Laizawna thahnemngaihna avangin chhut nawn a lo ni leh ta.
6. Leo Tolstoy Six Short Stories:A man Rs 100/-
Khawvel huapa ziaktu lar Leo Tolstoy-a thawnthu ziah lar zual parukte chu C. Laizawna chuan Mizo tawnga min lehlinsakin kum 2014 khan a lo tichhuak tawh a. Kar lovah a zawh nghal mai avangin chhut nawn leh a ni ta. Khawvel thawnthu lar leh ngaihnawm, bu khata khungkhawm hi lo chhiar ve ngei rawh le.
7. Vangvat Kai Lai Nite: A man Rs.250/-
Tunlai lehkhabu chhuak thar zinga lar ber leh hralh kal ber pawl; Capt. Lalthlana Sailo-in Mizoram buai laia an ram mutna hrang hrang chanchin, a tak ngeia a tawn a ziahna hi a ngaihnawm a ni satliah lo, rambuai laia thil chiang lo hrang sawi chianna a tam em avangin lehkhabu rotling a ni nghal. Pu Laldengan amah vengtu atana a thlan chhuah ngatin a thil hmuh dan peh hel nei miah lova thu dik a puanna lehkhabu hi lo chhiar ve rawh le.
Post a Comment