I dinhmun a țha a nih pawhin midang chung-ah țhat chhuah hram hram la, milian leh mite thliar lovin i hlim hmel hmuhtir ţhin ang che.
A chhan chu maw, i dinhmun ngai reng-ah khan i ding kumkhua thei lo mai thei a, chutih hun-ah chuan mi rethei ber nia i ngaih te pawh kha mamawh hun i la nei thei a ni tih hre reng rawh.
I suangtuahna te chu zui tlat la, nangmah kha inringtawk em em țhin rawh.
I mit khan vana arsi eng mawi takte khi en tlat țhin la, i thinlung khan rinna nen beiseina ëng nei tlat țhin rawh.
Puitlin tak takna hi chapo taka kan țawng hun hi a ni ngai hauh lo, zawldawh taka kan awm thiamna hi puitlinna a ni zawk fo.
Nawmchenna atan chauha duhtu che chu hlat la, i chak loh ni pawha i ban a kai țhin tu tur che leh i tana awm reng tur chu thlang zawk ang che.Tisa châkna ringawt beiseitu hmangaihna hi hmangaihna dik a ni miah lo a nia.
I nui hmel kha i taksa leh i pianhmanga mawi i tih em emte ai khan a mawi ber a ni tih hre reng la, hlim hmel midangte hmuh fo țhin rawh.
Tuna i hun tawnte kha a hahthlak êm avang ngawt khan hringnun hi a 'fair' lo tiin vui ngai suh, kumkhuain engkim hi a chhe zawng ringawtin a thleng ngai lo tih hre reng rawh. Ni a lo chhuak leh em em ang.
Midangte kha famkim turin beisei vek suh, i hmangaih te bak i hmu famkim thei ngai dawn chuang lo.
إرسال تعليق