SANITIZER

Covid-19 hri leng avangin Hand Sanitizer mamawhna a sang hle reng a. Chutih rualin Sanitizer lak luh leh zawrh chungchangah damdawi zuarte kan la fimkhur tawk lo hle tih hriat a ni. Fimkhurna tur thu pawimawh Govt.PR kaltlanga chhuah tawhte ngaipawimawh thar leh turin damdawi zuar zawng zawngte ngen leh hriattir kan ni.

Hengte hi chhinchhiah ni se :-

1.  Covid-19 hri leng kara awm kan nih avangin Hand Sanitizer thlan bik neih a ngai a. WHO chuan Alcohol Based Handrub (ABHR) a recommend a, Ethyl Alcohol (80% v/v) emaw, Isopropyl Alcohol (75%v/v) emaw awm a ni. Hetiang chiaha alcohol sang a nih loh pawhin 70% aiin hniam lo se a ţha.

2.  Sanitizer label chu a dikin a felfai tur a ni a. Damdawi hming leh thil dang ziah sual (spelling mistake) a awm tur a ni lo.

3.  Label-ah chuan Mfg Lic. No., Batch No., Expiry Date leh Manufacturer address chiang takin a lang ngei tur a ni.

Hand Sanitizer, a label aţang ngawt pawha ngaihţhat thlak loh leh ziktluak lo Mizoramah a darh nasat avangin Mizoram FDA chu strict lehzualin a kal tawh dawn a. Sanitizer felfai lo chah luttu chungah na takin action lak zel a ni ang.

Sd/- LALSAWMA

Jt.Director(F&D)

Controlling & Licensing Authority

Dir.of Health Services

Mizoram : Aizawl

Dt.26.6.2021