SEXTORTION THROUGH VIDEO CALL

Tunlai hian inbumna chi khat, sextortion kan tih mai, hluar thar a awm a, hemi laka mipuite kan lo fihlima kan fimkhur theihna turin uluk takin lo chhiar rawh le.

A kalhmang tlangpui chu hetiang hi a ni:

1. Facebook / Instagram / Whatsapp etc velah Profile Picture-ah hmeichhe chhe lo deuh thlalak hmangin Friend Request i dawng anga.

 

2. Chumi account atang chuan Video Call request i dawng leh ang. A nih loh pawhin whatsaap lamah.

3. Video call i accept atang khan i screen an record reng tih hriat a pawimawh. (Screen Recorder te a awm tawh a)

4. Video call-ah chuan hmeichhia chuan kawr te a phelh maithei e, nang pawh in phelh ruaka sex chat kan tih mai hmang turin a thlem ang che. Mahse i screen kha an record reng tih hriat tur. 

5. Chutia in in-Video call lai an record chu pawisa i pek loh chuan i Facebook / Whatsapp contact te hnenah tih leak-out / thehdarh tumin an vau let leh dawn che ani.

Hriattur pawimawh te:

1. Facebook/Instagram etc ah i mi hriatchian loh te Friend Request accept suh.

2. Number hriatloh emaw atanga Video Call i dawn chuan pick up loh a him.

3. Video Call ah hian mi tupawhin screen an record thei reng tih hriat a pawimawh.

4. Online-ah inbumna a tam tih hre rengin i fimkhur tlang ang u.

SEXTORTION THROUGH VIDEO CALL  AH HARSATNA /BUAINA I TAWK ANIH CHUAN  A HNUAI  ADDRESS TARLANAH HIAN  RANG TAKA  REPORT  TUR A NI E

Cyber Crime Police Station,

PHQ, Khatla,

Aizawl, Mizoram.

Ph  : 0389  2333656

Mob  : 811 993 5420

Fb : facebook.com/CyberCrimePSAizawl

IG  : @cybercrime_aizawl