SIKUL ATANGA ONLINE CLASS LAK KHER HI

-Lalrammawia

Pumpelh theih reng, chhiat zualna thlen lo, hrileng kara tihtheih sangber ti thei tho Zitirtu te tana school kala, school atanga khera online laktir hi a tulna reng reng ka hrelo phalo, mahse a titheitu, thuneitu thu a ni miau si. Thlam namthlaka Nehru a rel anga sawtlo tur ni mahse i han bih chiang ve tho teh ang. 

Internet wifi connection school tinah zirtirtu te daih a awm angem.a awmloh na pawh ka hria.  Order hian Covid 19 hripui harsatna a belhchhah ta phawt. Sikul kal angaih tlat kher na chhan te engnge ni ang? 

In awmawl em mai, hna kan neih loh hi, thrnawm te awmpui ten an hrethiam thei si lova, helai thing hi pu kual la, thingpui i rawn lum bawk dawn nia  ti a tihtur dap chawp ang vel a ni.

Online class hi Headmaster te time table siam anga kal angai anih pawh in, network a awm phawt chuan Phawngpui tlang chhip leh tuifinriat mawng atang pawhin nei sela engnge a danglamna. Zirtirtu online class tinah khan Hdm kha an duh leh observer in lo participate vek sela a tawk lo em ni? 

Tuna Sawrkar hnathawk dang ah pawh hian digital hmanga thawh theih chu online a thawh te hi kan la uar a ngaih teh lul nen, hetia vantlang taka ngaihtuah na han seng liam puata, Social media a bengchheng siam ta mai te thuhla hlauh vang lek ni tak maw.? 

Heng ho zingah hian "Zirtirtu te hi thawhloh hlawh la" ti a itsikna nei a, bengchheng tak tak an awm ani. An hriat phak hauh loh chu, online class hi zirtirtu te hian an theih tawkin, an mahni senso ngatin CLASS an la ngat ngat hlawm a, kan Board exam result te, kum tawp exam result te pawh mumal takin kan hmu a, kan hmu satliah mai pawh anilo, result thatak kan nei tho anih kha.

Online class chu school atang khera lak tur tih hian manqgement lam atanga thlir pawh in, naupang hmaichhana hmachhawn theih anih loh rih rau rau chuan, teching efficiency  a tihpun zawk na lai tur hi han sawi tur avang hle mai. Han sawi luh luih talh pawh tum se, Online a class lak anih tho tho chhung si chuan arrangement hi school atanga tih theih, inlam atanga tihtheihloh tur ka man ve thiam hauh lo.

Zirlai naupang te te harsa ve tak tak, mahni puala phone hand set nei hrang lo, an chhungte ta Tlai lam leh zan lama, a awl laia lo hmang tangkai ve thin te ho tan phei chuan  a khirh ve ta ngawt ang le, an thian te nen a huhova awmkhawmna remchang an zawn ala ngaih hmel hial ani. 

Tuna ni ber a lang ta chu, infrastructure lam te hi school ah hian chhe viau mahse, hei mi thenkhat hian in hnathawh dan an hrethiam thei si lova, Hripui lakah pawh Risk inlak ve angai ta ani  rih mai e, tikhan in lo vanduai palh tak  leh in va in hnawih pherh mai dawn nia, tihna aia a chhan tha zawk sawisak tur a vang ka ti hle mai. Mi awmawl anga lang, hmuh hrehawm ti tlat te thutlukna anih mai hmel chauh ani.