Sorkarin City Bus service phalsak mahse, mipui lam pawn chhuah a phalsak loh avangin service pawhin awmzia a nei lo

Mizoram sorkarin inkhuahkhirhna dan a siam chhuah tharah sum dawng lirthei hrang hrangte pawh service phalsak an ni a. He tih mek lai hian nimin lam thlengin khawlaiah mihring phur lirtheite a hmangtu mipui an awm loh avangin  tlan an tam lo hle.

Nimin khan Aizawl khawpui chhunga Bus service awm chhun pahnihte chu phurh neih loh vangin chawhma lamin an haw leh a. Taxi ke pali nei leh ke pahnih nei service an awm a, stand ding awm chhunte pawhin tlan chhuahna tur a van thu an sawi.

Aizawl City Bus Owner Association a Action Chairman PC Malsawma chuan, sorkarin SOP a tih chhuah thar berah nilaini atang khan service min phalsak a. Aizawl khawpui chhunga Ciyty Bus 280 vel awmah  service tur in report tura thupek chhuah angin Bus 53 te chu an tlan dan tur ruahman sak a ni a. Bus 53 in report atang Bus pahnih chauh service in an ni pawh hian mihring phurh tur an neih loh avangin chawhma dar 11:30 velah beidawngin an haw leh niin a sawi. Sorkarin service phalsak mahse, mipui lam pawn chhuah a phalsak loh avangin service pawhin awmzia  a nei lo niin a sawi bawk a ni.

He tih mek lai hian inkhuahkhirhna kalpui a nih chhung khan City Bus Driver leh conductor te an bang nasa hle a. SOP anga kalpui dawn a nih chuan Bus service ten diesel man tur pawh an tlan chhuak dawn lo niin an sawi a, hrilen laia hman turin bus chuan man ennawn sak turin sorkar an ngen bawk a ni. Driver leh conductor zingah eizawnna chhunzawm theih a nih loh avanga buaina tawkte tanpuina party hrang hranga MLA leh Councillor ten an nei tawh a. Hengte a vang hian mualpho lovin tun thlengin an la awm zel niin an sawi.

Sorkar SOP in a phut angin khawpui chhunga Commercial Vehicle khalhtute chu covid-19 first dose an la vek tawh a, hridanna an la ngei a ni tih fiahna a keng chhuak vek tih an sawi bawk a ni....