WHO lam in High Risk Level ah min la dah

Kumin chu sawrkar lam in inkhuahkhirhna dan kum hmasa 2020 lam aiin a thlah dul deuh hlek a ni tih hi a hriat in point hran hran ah hmuh tur atam hle mai.

Chutih laiin kan zalenna kan hman thiamloh a hlauh awm in keimahni vek hian kan tuar ang tih a hlauhawm khawp mai.. Mipui kan in test ṭha duh tawhlo a, kan daily test rate a tla hniam tulh tulh a, Covid vei thar kan nei tlem tulh tulh.

Heti zawng hian sawi teh ang, demand a tlem chuan supply a tlem ṭhin... Test hi tam ila, possitivity rate hi a hniam dawnlo hrim hrim tih a hriat.Kan zing ah hian Covid vei, in test loh avanga veitih hriatloh engzat nge awm ang tih pawh rin thiam a har hle tawh a ni... Kan fimkhur tlan a ngai khawp mai.

Kohhran ho nawrna avang nge ni MKHC lam lah in inkhawm ah zai an dil leh ta rup mai bawk si(Hmanni anthurium festival tawp zan a mi 10-15 bawr vel an chheih lam kha an thik a ni ngei ang, an sawi lang tel tlat... Kan DC pawh in pawisa lo chawitir ve mai awm a nia)... Zai hrim hrim hi thil pawi a nih em em ka hrelo, mahse kan zai meuh chuan lam harhtharna kan chang thut ang a(Thlarau thianghlim hnathawh tur a nih leh nihloh ka hrelo). Lam tual ah kan in thawk khum dial dial ang a, lam tual ah hmun awl a awmlo bawk ang.

Chumai bak aj Kohhran 1 phei chu dan bawhchhia a lo zai a, lo lam hram video viral pawh a awm kha. Chuvangin kan dinhmun ṭha chho zel ang a lang hi kan fimkhurna min ti zual tu lo nise. Picnic spot hawn phal a nih meuh chuan picnic spot a full leh der tawh an ti. Department hran hran picnic spot a zu nen a in retreat tur pawh an tam leh dawn..Picnic lawm hnam kan lo la ni zel bawk nen. Covid vei kan hriatloh nen tui kan han cheng ho dawn a nia...

Kan hmabak ah hian 3rd wave kan la hmabak si a, chu mi hun hma chuan kan zalenna kan hman thiamloh avang hian Covid-19 hi kan ti keu darh leh vak ang tih a hlauhawm em avangin 'kei leh ka chhungte chuan Pathian avangin himna kawng kan zawng zel dawn' kan tih ngam a pawimawh khawp mai