Guwahati High Court Aizawl bench chuan VLTF/LLTF ten an zawm tur thu a chhuah a, ni 09/06/2021 khan he order a chhuah nachhan kha

.

Ziaktu :- C.Lalliankima (Malian Chhakchhuak)

 High Court order thar ber chungchang a tlangpui sawi ang aw.... 

Mipui nawlpuiin a kan hriatthiam dan tur awlsam zawng in a tlangpui kan thai lang thuak thuak ang e..

Guwahati High Court Aizawl bench chuan VLTF/LLTF ten an zawm tur thu a chhuah a, ni 09/06/2021 khan he order a chhuah nachhan chu Mizoram a LLTF leh VLTF te chetna hrang hrang leh an thil tih dik loh hrang hrang ten High Court beng a thlen tak vang a ni ber mai he order in a sawi ber a chu khatla LLTF thuchhuah siam vang leh Siaha a kut na tak a inthlak na thleng vang te kha a ni a, dt:25/04/2021 a khatla LLTF te chuan dan ngaihtuah miah lo leh India consititution ngai chang miah lova notice an lo chhuah vang a ni ber a, chu an notice chhuah ah chuan "non mizo's (mizo nilo) zawng khatla areas a awm te chuan Rapid Antigen test an ti ngei ngei tur a ni tih thuchhuah (Notice) an siam avang in he an notice siam hian Indian constitution a Article -14 a violate a, tin inthliar hranna (discrimination) a nih vang in a ni.

Hemi chungchang ah hian Mizoram Sawkar chu High court hian zilh hauvin LLTF/VLTF te chu hetiang thil lo tih tawh ngailo tur a arang thei ang ber a hrilh hre nghal a hma la nghal turin a ti bawk a ni. He an notice chhuah hian sakhaw hrang hrang leh hnam hrang hrang leh tawng hrang hrang te inkar a inhuatna leh inlungrualna ti derthawng thei leh in thliar hranna thil anih avangin dan kalh a ni a, hetiang thil lo ti leh an awm nih chuan IPC section -153 (A) hmang a hremna pek an ni ang.

Tin tunhnai lawk a siaha a VLTF ten mi kut nasa taka anthlakna avang a ICU a dah ngai khawp a awm avang khan High Court chuan siaha VLTF te hian pawi lian tak an khawi a ni tiin Secretary to the Gov't of Mizoram home department chu order pe nghal in Siaha DC leh Siaha Sp ten report kim chang siam a dt 15/06/2021 ral hma a High court a thil thlen dan report kimchang submit turin a ti bawk.

Tin VLTF/LLTF ten phalna la tawh te, an khawchhung a motor tlan luh chungchang ah te mi feh tur te mi huan kal tur te kal kawng a lo dan beh te an tih tawh tur a nilo tiin he order ah hian a sawi tel bawk a, tin mizoram sawrkar chu LLTF leh VLTF te chu SOP uluk taka hrilh hre thar tur in a ti bawk. Tin VLTF leh LLTF te hian state sawrkar in SOP a siam dan pel a an mahni duhdan a dan phuah chawp lo siam tawh lo turin a ti bawk a ni.

Tin, VLTF/LLTF te hian curfew leh lockdown an mahni huam chhung ah an puang theilo a, inkhaih hruaina pawh LLTF leh VLTF te hian an mahni duh dan in a kalpui tur a nilo a ti. Curfew leh lockdown puang thei tu chu competent authority chiah a ni a ti.

Tlipna

High court hian pawl din satliah ten an mahni duh dan a dan an lo siam ve ngawt zel a hi a ngaithiam lo hle niin a lang High court hian thil thlen dan hi a en reng a, human rights palzut na te, in rah behna te, kut inthlakna te etc a thleng leh anih chuan High Court hian ama thuneihna (suo moto) hmangin legal action a la hmiah hmiah tawh dawn niin a lang ta e.....