Lettu: Dikteii Hnamte
17/09/2020
1. Inlam hna hi nikhata thawh zawh vek tum suh. Hetianga thawh ching te hi an kulcho hmain a then chu phumin an awm tawh ania.
2. Chawl hahdam ve thin rawh. I duhzawng tak mai ei te, dawhkana ke hlang meuhva han thut hahdam te kha sual a ni reng reng lo aw.
3. I luna chhawk nan mut tul i tih chuan mu hmak rawh. Chawlh hahdam hreh tlat te, chawlh laka thawk thawven duh tlat lo te hi a hun hmaa an chawlh hlen vangin an chhungten an ngai vawng vawng thin asin.
4. Muthilhna damdawi ei suh, i thluak leh taksa khawl dang hnathawh a tichhe thei ania. A chang chuan i haihawt viau mai thei. I thluak kha hahchawlh tir hlek la, inngaihtuah ngut ngut lovin han tei khawthawng la, nuih uar sauh la, i thil veite pawh an reh chhawm ve mai ang.
6. Ngawi rengin, nangmahin in in chhuahsan la, muangchangin boruak thianghlim han hip vang vang teh, hmanhmawh hlek lovin aw....
6. Darthlalanga inenin nangmah han in nuih var var teh le. Nangmah leh nangmah kha boruak tha insiamin i hlim sawt thei asin.
7. Ei leh in tur i duhzawng lei rawh le. I kawppuiin a nachang a hriat loh pawhin nangmah kha induat teh.... tichuan i rilru hahna thenkhat chu a kiang ngei ang.
8. I rilru hahna tikiang turin i hna tizangkhai tur atana i mamawh chu lei hmiah rawh. Hmuh theih lohva zawi zawia nuho kulcho na chu rilru hah hi a ni si a.
9. I nuamsam lo anih chuan daktawr koh emaw, damdawiin emaw pan turin midang nghak khawmuang lo la, nangmahin hma lo la mai ang che. Midang i nghah avangin a tlai lutuk thei, i nunna kha a pawimawh ber a ni si a.
10. I thisen san leh san loh te, i zun a thlum leh thlum loh te enfiah fo la, i dam loh hun nghak kher suh. Hmeichhe tamtak hetia tih nachang an hriat avanga chhan an ni tawh a nia.
He’ng thurawnte hi ngaipawimawh la, NANGMAH I HLUT ANG KHAN INHLUT NACHANG HRIA LA, INHMANGAIHIN INDUAT ANG CHE.
Nu ropui tak, Pathian hmanraw hlu em em i ni tih hi i lo hre reng dawn nia
Post a Comment