Rawngbawltu hmuhin min hmu em?
Pawn lang taka Kristian kan nihna hi kan chhuang a, incheina kawrah chiah kan duh. Officer lian leh lian lem lo, Department hrang hranga thawktu tam ber te hi an Kohhrana rawngbawltu pawimawh tak tak an ni hlawm. Mahse Biak In pawn lamah rawngbawltu ni awm renga hmuh tur chu khawvar arsi ang pharha khat kan ni lawi si. Ka hmelhriat pakhatin mak atih em em mai a sawi chu; office pakhata a hriat chian tak (a thawhpui țhin) mi pakhat te vengah țum khat a inkhawm țumin a beisei lawk hauh loh thil a va hmuh thu a sawi a.
Chu a hmel hriat chu nitina a eizawnna - office lama hna thawh dan leh a nungchang leh khawsak dan ațang chuan Kohhran a rawngbawltu ni turin an ring lo hrim hrim a, a hminga Sande Sikul kai ve țawk țawk tura an ngaih laia rawngbawltu pawimawh tak mai a lo ni mai kha chawlhkar khata a hun tam zawk hmanpuite tan chuan mak tih loh theih a ni lo, tih thu a sawi chuan ngaihtuahna a hruai thui hle mai. Hetianga min ngaitu kan thawhpui te hi an awm fur ang em?
Hetiang anih mek lai hian mi zawng zawng he bawma khung khawm ringawt hi chu a dik bik hauh lo ang. Langsar lo taka fel leh țhahnemngai taka thawk pawh mi engemaw zat an awm chiang khawp tih chu phat chi a ni lo. Hetiang hi awm bawk mahse Sorkar hnathawk, office leh zirna ina thawk zinga rawngbawltu an tam ngaihtuah erawh chuan he bawma khung tur hi an tlem chhe zawk zawk hauh lo thung si ang le.
Sawi atan chiah
Pathian thu kan hriat dan leh sawi nuam kan tih tehlul nen hian, Lal Isua zirtirna tih tur leh tih loh tur kawngah kher hi chuan belhchian kan dawl loin kan dawrawm tak zet a ni. Pathian thu sawitu tam ber te pawhin an thu sawi ngei pawh mahni zawm tur ni lo, midangte zawm atan an sawi ngei tih hi a taka kan hmuh miau si avang hian rawngbawltu țheuh țheuh inngaihsan loh tawnna a thleng a, kan in țha pelh vel mai mai lek hi a ni mahna.
Danglam chu an hriat țhin
Danglam ngam mihring hi a bul vela khawsa țhin te hian an hmuh hmaih ngai lo, hriat pawh an hre thuai țhin reng a. Chutih mek laia run dal leka Kristian kawr inbel pawh hmuh hmaih chi a ni chuang lo bawk.
Hnam dang leh an sakhua endan dik lo
India ram chhunga mihring tam ber hi Hindu leh Muslim sakhaw betu an ni. Heng hnam dang leh an sakhaw biak te hi hmusit leh diriam taka milem bia kan tih te an nih lai hian Kristian nihna chhuang leh chapopui țhin - fel bik, țha bik nia mahni leh mahni kan inngaihna zawng zawng te hi min hre chiang apiangin pawm harsa an ti a, awih lo. Min hmusit let zawk a ni mai em? Danglam ngam hi kan awm ta meuh lo em ni ?
Kan hmuhsit leh deusawh em em te chhiah chi hrang an chawi tling khawm atanga Central assistance ring si hian hengho kan en dan leh an sakhua kan ngaih dan leh inzirtir dan te hi a fuh tawk lo hle mai.
Secularism kan hre țhelh em ?
India Danpuia Secularism sakhaw tih bik awm lohna, țhenkhatin sakhaw zalenna an tih bawk hi kan hriatthiam duh dan te hi a dik tawk lo hle. A buk țhelhin kan țhelh mai em? Kristian te chiahin Pathian thu hi sakhaw dang pawmtute hnenah hian hril ila, Kristian sakhaw be turin inlehtir ila tih hi kan Chanchin țha hrilh chhan a ni a.
Hetiang anih mek lai hian mi zawng zawng he bawma khung khawm ringawt hi chu a dik bik hauh lo ang. Langsar lo taka fel leh țhahnemngai taka thawk pawh mi engemaw zat an awm chiang khawp tih chu phat chi a ni lo. Hetiang hi awm bawk mahse Sorkar hnathawk, office leh zirna ina thawk zinga rawngbawltu an tam ngaihtuah erawh chuan he bawma khung tur hi an tlem chhe zawk zawk hauh lo thung si ang le.
Sawi atan chiah
Pathian thu kan hriat dan leh sawi nuam kan tih tehlul nen hian, Lal Isua zirtirna tih tur leh tih loh tur kawngah kher hi chuan belhchian kan dawl loin kan dawrawm tak zet a ni. Pathian thu sawitu tam ber te pawhin an thu sawi ngei pawh mahni zawm tur ni lo, midangte zawm atan an sawi ngei tih hi a taka kan hmuh miau si avang hian rawngbawltu țheuh țheuh inngaihsan loh tawnna a thleng a, kan in țha pelh vel mai mai lek hi a ni mahna.
Danglam chu an hriat țhin
Danglam ngam mihring hi a bul vela khawsa țhin te hian an hmuh hmaih ngai lo, hriat pawh an hre thuai țhin reng a. Chutih mek laia run dal leka Kristian kawr inbel pawh hmuh hmaih chi a ni chuang lo bawk.
Hnam dang leh an sakhua endan dik lo
India ram chhunga mihring tam ber hi Hindu leh Muslim sakhaw betu an ni. Heng hnam dang leh an sakhaw biak te hi hmusit leh diriam taka milem bia kan tih te an nih lai hian Kristian nihna chhuang leh chapopui țhin - fel bik, țha bik nia mahni leh mahni kan inngaihna zawng zawng te hi min hre chiang apiangin pawm harsa an ti a, awih lo. Min hmusit let zawk a ni mai em? Danglam ngam hi kan awm ta meuh lo em ni ?
Kan hmuhsit leh deusawh em em te chhiah chi hrang an chawi tling khawm atanga Central assistance ring si hian hengho kan en dan leh an sakhua kan ngaih dan leh inzirtir dan te hi a fuh tawk lo hle mai.
Secularism kan hre țhelh em ?
India Danpuia Secularism sakhaw tih bik awm lohna, țhenkhatin sakhaw zalenna an tih bawk hi kan hriatthiam duh dan te hi a dik tawk lo hle. A buk țhelhin kan țhelh mai em? Kristian te chiahin Pathian thu hi sakhaw dang pawmtute hnenah hian hril ila, Kristian sakhaw be turin inlehtir ila tih hi kan Chanchin țha hrilh chhan a ni a.
Anniho hi chuan lo sepui ruah tuar ngawt ngawt se, tih hi secularism kan pawm duh tawk dan leh kan hriat thiam duh dan a ni. Kan tih ang thoa an sakhaw chanchin țha hrilh darh theihna hi an chanvo anih lam chu kan hriatsak duh lo thung a. Mizoram chhunga sakhaw dang chanchin țha hi rawn sawi a, rawn hril darh ve tur hian kan ngai lo hrim hrim a, kan rilruin a phal ngai lo ang. Khawnge secularism chu?
Cachar District chhunga Mizoram Kohhran rawngbawlna ang level chauh pawh hi sakhaw dang te hian rawn ti ve dawn ta se kan phal ang em? State danga kan rawngbawlna tluk hian Hindu/Muslim sakhaw belhchhan Sikul te hi rawn din ve ta se, an dawh theih tluk hian kan dawh ve thei ang em? Kan chhehvela hnam dang ngeng chhun phak hian rawng kan bawl phak meuh lo em ni zawk le?
He hnam hi mahni chauha ding thei a ni lo, kan mamawh tinrenga kan intodelh lohzia chu a hretu vek kan ni. Chutih mek laia kan chhehvel hnam leh sakhua zawng zawng huat leh do ena kan en ta lutuk hi a țha em? Kan rilru tiat lek hi pu ve ta ngat se kan chawh fe zawk ang em?
He hnam hian Kristian lem chang, mawi leh mawi lo pawh thlu loa sum mena meng. Krista zirtirna leh Kristian sakhuain tih tur a tih zawng zawng te pawh sum hmuh theihna turah chuan hnawl vek a ni em? Sual ngaihhnathiamna lian tak nei hi eng chen nge anih zel ang?
Nun nghet
Lem chang ni lo, nun nghet Mizoram hian a mamawh. Kristian leh sakhua a taka nunpui lo leh alanga mawi chin zawnga intlansiak hi bansan a, nun nghet, belhchian dawl a neih hma loh chu he hnam hi a ding chhuak ngai lo ang.
Cachar District chhunga Mizoram Kohhran rawngbawlna ang level chauh pawh hi sakhaw dang te hian rawn ti ve dawn ta se kan phal ang em? State danga kan rawngbawlna tluk hian Hindu/Muslim sakhaw belhchhan Sikul te hi rawn din ve ta se, an dawh theih tluk hian kan dawh ve thei ang em? Kan chhehvela hnam dang ngeng chhun phak hian rawng kan bawl phak meuh lo em ni zawk le?
He hnam hi mahni chauha ding thei a ni lo, kan mamawh tinrenga kan intodelh lohzia chu a hretu vek kan ni. Chutih mek laia kan chhehvel hnam leh sakhua zawng zawng huat leh do ena kan en ta lutuk hi a țha em? Kan rilru tiat lek hi pu ve ta ngat se kan chawh fe zawk ang em?
He hnam hian Kristian lem chang, mawi leh mawi lo pawh thlu loa sum mena meng. Krista zirtirna leh Kristian sakhuain tih tur a tih zawng zawng te pawh sum hmuh theihna turah chuan hnawl vek a ni em? Sual ngaihhnathiamna lian tak nei hi eng chen nge anih zel ang?
Nun nghet
Lem chang ni lo, nun nghet Mizoram hian a mamawh. Kristian leh sakhua a taka nunpui lo leh alanga mawi chin zawnga intlansiak hi bansan a, nun nghet, belhchian dawl a neih hma loh chu he hnam hi a ding chhuak ngai lo ang.
Post a Comment